Daha bir iş adamı həbs edildi

Azərbaycanda kredit borcları qalmaqalı ilə bağlı daha bir həbs həyata keçirilib. “City Devoloper” MMC-nin baş direktoru Ratmir Ələşrəf oğlu Bəkirov həbs edilib.

Bu barədə virtualaz.org saytına açıqlamasında iş adamının vəkili Kamandar Nəsibov məlumat verib.

K.Nəsibov bildirib ki, R.Bəkirov barədə Nərimanov Rayon Məhkəməsinin qərarı ilə həbs-qətimkan tədbiri seçilib. Şirkət rəhbəri Cinayət Məcəlləsinin 178-ci (dələduzluq) maddəsi ilə ittiham olunur. Ona bu maddə ilə cinayət işi açılıb.

Saxlanılan digər iş adamları kimi R.Bəkirovun da Azərbaycan Beynəlxalq Bankına kredit borcunun olduğu bildirilir.