NATO Tiflisi xilas edəcəkmi?

Gürcüstanın Təhlükəsizlik Məsələlərinin Öyrənilməsi Mərkəzinin sədri, politoloq Nika Çitadze ölkə rəsmilərinin NATO-ya üzvlüyə maraqlı olmadıqları barədə fikirlərinin doğruluğuna şübhə ilə yanaşdığını söyləyib.

ANS PRESS-in məlumatına görə, o deyib ki, indi Gürcüstanın ərazisində NATO-un Təlim Mərkəzinin yerləşməsi haqqında Gürcüstanın və NATO arasında razılaşma mövcuddur. Ola bilər, Zurab Abaşidze şəxsi fikirinə malikdir, hərçənd, o, rəsmi şəxsdir, baş nazirin nümayəndəsidir."

Politoloq bildirib ki, ölkədə NATO-un hərbi bazalarının yerləşdirilməsinin perspektivləri real olduğu halda rəsmilər başqa söz deyirlər: "Düşünürəm ki, Tiflis üçün NATO qaşılmazdır. Təlim Mərkəzi Gürcüstanın ərazisində yerləşdirilməlidir. Çünki, məsələn, bir neçə gün əvvəl Gürcüstanın müdafiə naziri Mindiya Canelidze də vurğulayıb ki, indi bu mərkəzin yerləşdiyi yer məsələsinə baxılır. Hər suveren dövlət öz xarici siyasət kursunu seçmək, ərazisində hərbi bazalar, obyektlər, təşkilatlar yerləşdirmək hüququna malikdir."

Xatırladaq ki, Gürcüstan baş nazirinin Rusiya ilə münasibətlərin nizamlanması üzrə xüsusi nümayəndəsi Zurab Abaşidze NATO ilə Gürcüstanın qarşılıqlı əməkdaşlığının Şimali Atlantika İttifaqının hərbi infrastrukturunun bu ölkədə yerləşdirilməsinə gətirib çıxarmayacağını deyib: "Tiflis yaxın vaxtlarda NATO-a qoşulmaq niyyətində deyil."