Büdcədən elm, təhsil, səhiyyə və mədəniyyətə ayrılacaq vəsaitlər açıqlandı

2016-cı ilin dövlət büdcəsində səhiyyə xərcləri üçün 744,9 mln. manat vəsait ayrılacaq ki, bu da ötən ilin büdcə proqnozundan (777,7 mln. manat) 32,8 mln. manat azdır.

Oxu.Az xəbər verir ki, bu barədə Maliyyə Nazirliyinin hazırladığı 2016-cı ilin büdcə proqnozunda bildirilir.

Gələn ilin dövlət büdcəsində təhsilə 1 milyard 713,5 mln. manat ayrılacaq ki, bu da ötən ilin büdcə proqnozundan (1 mlrd. 711,2 mln. manat) 2,3 mln. manat çoxdur.

2016-cı ilin büdcə proqnozunda elmə 131,7 mln. manat yaxud ötən ilin büdcə proqnozundan (150,5 mln. manat) 18,7 mln. manat az vəsaitin ayrılması nəzərdə tutulur.

Mədəniyyət, incəsənət, informasiya, bədən tərbiyəsinə dövlət büdcəsindən 652,7 milyon manat vəsait ayrılacaq ki, bu da ötən illə müqayisədə (348,3 mln. manat) 2 dəfə çoxdur.