"Sanki bir quş idi, uçurtdum getdi"

Daimi yazarlarımızdan olan Nərmin Şamilbəyli "O getdii..." adlı yeni şeirini AzNews.info oxucuları ilə bölüşür:

Gəlişi bir an olmadı,
İstisi evimə həyan olmadı.
Əllərim köksündə yuva qurmadı.
Yuxudaydım sanki, mürgüləyirdim..
Gözümü açanda bildim:
O getdi....
O getdi..
Ruhumu apardı getdi,
Sevinci, nəşəmi qopardı getdi,
Həyat bağçamızın nübar anında
Bağımın meyvəsin qopardı getdi..
Gec idi görəndə..artıq,
O getdi...
O getdi...
Fəsillər bitdi, iqlim dəyişdi,
Yayı payızına, qışa birləşdi.
Sanki bir fəsildi, yaz kimi gəldi,
Qış kimi gedincə, mövsümü bitdi..
Gülümü solduran o qəfil qonaq
Sanki bir quş idi, uçurtdum getdi,
Qayıtmadı bir də.....
O getdi....