ABŞ-da Trampın impiçmentinə çağıran futbolkalar satılır

ABŞ-ın nəhəng “Walmart” ticarət şəbəkəsinin saytında “Impeach 45” (İmpiçment 45) yazılı futbolkalar satışa çıxarılıb.

Oxu.Az "Lenta"ya istinadla xəbər verir ki, prezident Donald Trampa qarşı yönələn bu addımı ilk olaraq onun tərəfdarı olan siyasi fəal Rayan Furnye aşkarlayıb. Bununla bağlı o, şəxsi Twitter hesabında sərt etirazını bildirib.

“Walmart” saytında futbolkaların satış qiyməti 16,95 – 24,9 dollar arasındadır. Hələlik ticarət şəbəkəsi hadisələrlə əlaqədar şərh verməyib.