Ekvadorda zəlzələ qurbanlarının sayı 480 nəfərə çatıb

Ekvadorda aprelin 16-da baş verən güclü zəlzələ nəticəsində ölənlərin sayı 480 nəfərə çatıb, Oxu.Az TASS-a istinadən xəbər verir.

Bundan əvvəl 413 nəfərin öldüyü bildirilib.

7,8 bal gücündə olan zəlzələnin episentri ölkənin şimal-qərb hissəsində yerləşən Pedernales şəhərində qeydə alınıb.

Boliviya, Kolumbiya və Venesuela daxil olmaqla regionun bir neçə ölkəsi Ekvadora xilasedici qüvvələri və humanitar yardım göndəriblər.