“Beşiktaş” – “Trabzonspor” qarşılaşmasında gərginlik

Türkiyə Spor Toto super liqasının 29-cu həftəsində keçirilən “Beşiktaş” – “Trabzonspor” qarşılaşmasından sonra gərginlik baş verib.

ANS PRESS-in yerli mətbuata istinadən verdiyi məlumata görə, Trabzon şəhərində baş tutan qarşılaşmanın başa çatmasından sonra nəticə yerli azarkeşləri hiddətləndirib.

Matç boyu əsəblərini çətinliklə cilovlayan trabzonlular qarşılaşmadan sonra sevimli komandalarına hücum çəkiblər.

Stadionun VİP çıxışının qarşısında futbolçuların çıxmasını gözləyən azarkeş qrupunu polis dağıtmağa çalışıb.

Bu vaxt tərəflər arasında gərginlik baş verib. İnsident zamanı halı pisləşən azarkeş xəstəxanaya çatdırılıb.

Qeyd edək ki, qarşılaşma “Beşiktaş”ın 2-0 hesablı qalibiyyəti ilə baş çatıb.