"Çelsi" gənc futbolçu ilə 5 illik müqavilə imzalayacaq

Belçika millisinin qapıçısı Tibo Kurtua Londonun “Çelsi” klubu ilə yeni müqavilə imzalayacaq.

ANS PRESS-in məlumatına görə, istedadlı qolkiper bu barədə “Sky Sports”a açıqlama verib.

Hazırda Belçika millisinin düşərgəsində olan futbolçu bildirib ki, Londona qayıtdıqdan sonra 5 illik yeni müqaviləyə imza atacaq.

Qeyd edək ki, Tibo Kurtua ötən mövsüm icarə əsasında “Atletiko”da oynamışdı. Onun "Çelsi"yə qayıtmasından sonra dünyanın ən təcrübəli qolkiperlərindən sayılan Piter Çex ehtiyatda qalmalı olub.