Prosineçki: Ulduz futbolçular belə səhv edirlər

Azərbaycan yığmasının baş məşqçisi Robert Prosineçki Malta (2:2) ilə matçdan sonra öz təəssüratlarını bölüşüb.

“Bu gün çox isti idi. Mən öz komandamızı təbrik edirəm. Bu gün Azərbaycan yığması mənim rəhbərliyim altında özünün ən yaxşı futbolunu nümayiş etdirdi. Futbolçular yaxşı oyun göstərdilər. Bütün matç boyu hücum ediblər. Rəqiblər qapıya iki dəfə zərbə endirərək qol vurdular. Biz daha çox zərbə endirdik. Əlbəttə ki, futbolda səhvlər də olur.

Mən AFFA prezidenti ilə razıyam ki, biz bu gün 2 xal itirdik. Amma yaxşı oynadıq.

Ulduz futbolçular belə səhv edirlər. Elə matçlar olur ki, rəqib bağışlayır. Bu gün Malta bağışlamadı.

Ruslan Qurbanovun pis oynaması ilə razı deyiləm. Mən ondan razıyam. O, böyük iş gördü. Yaxşı məqam yaranmışdı, amma qolkiper inanılmaz sey etdi. Futbolçular bu istidə bütün güclərini səfərbər etmişdilər”- AzNews.info Sportbox.az-a istinadən baş məşqçinin sözlərindən sitat gətirib.