Tbilisidə Avropa Gənclər Olimpiya festivalı açılıb – VİDEO

Tbilisidə Mixail Msexi adına stadionda avqustun 1-nə qədər davam edəcək XIII Yay Avropa Gənclər Olimpiya festivalı açılıb.

Oxu.Az Qruziya Online-a istinadən xəbər verir ki, Gürcüstanın baş naziri İrakli Qaribaşvili Avropa Gənclər Olimpiya festivalı “Tbilisi 2015”i açıq elan edib.

“Avropa Gənclər Olimpiya festivalı “Tbilisi 2015”i açıq elan edirəm”, - Mixail Mesxi adına stadionda açılış mərasimində baş nazir elan edib.

Bununla yanaşı, Gürcüstan prezidenti Georgi Marqvelaşvili Avropa Gənclər Olimpiya festivalının rəsmi açılışında iştirak etməyib. Prezident administrasiyasında Georgi Marqvelaşvili idmançıları festivalın açılışı münasibətilə Facebook sosial şəbəkəsi vasitəsilə təbrik edib.

Festivalın açılış mərasimində prezidentin iştirak etməməsi məsələsinə gəldikdə isə administrasiyada Olimpiya komitəsinə müraciət etməyi məsləhət görüblər.