Rövnəq Abdullayev Olimpiya stadionunun çökməsindən danışdı

Dövlət komissiyası Bakı Olimpiya Stadionunun təhvil-təslim aktını imzalayıb.

AzNews.info-nun Report-a istinadən məlumatına görə, bu barədə jurnalistlərə AFFA prezidenti Rövnəq Abdullayev açıqlama verib.

O bildirib ki, stadion Gənclər və İdman Nazirliyinə ən yüksək standartlara uyğun vəziyyətdə təhvil verilib. R.Abdullayev arenanın çökdüyü barədə xəbərləri təkzib edib:

“Hamısı boş şeydir, şayiədir. Kimlərsə Bakıda keçiriləcək I Avropa Oyunlarına kölgə salmaq istəyir. Mən də bu şayiələri eşitdim. Bu, Azərbaycanda təşkil olunacaq nüfuzlu yarışa növbəti dəfə qara yaxmaq cəhdidir”.

Qeyd edək ki, Bakı Olimpiya Stadionunda ilk nüfuzlu tədbir iyunun 12-də keçiriləcək. Həmin gün I Avropa Oyunlarının açılış mərasimi təşkil olunacaq.