Boksçularımızdan iki qızıl medal – YENİLƏNİB

Azərbaycanlı boksçu Lorenzo Sotomayor (64 kq) Azropa Oyunlarının qalibi oldu.

Oxu.Az xəbər verir ki, həlledici görüşdə o italiyalı Vinçenzo Manqiakapreni məğlub edib.

Xatırladaq ki, bundan əvvəl Elvin Məmişzadə də boks yarışlarında qızıl medal qazanmışdır.

19:05

Bu gün Bakı-2015 Avropa Oyunları çərçivəsində kişilər arasında 52 kq dərəcəsində Azərbaycanı təmsil edən Elvin Məmişzadə Avropa Oyunlarının qalibi olub.

Oxu.Az-ın məlumatına görə, idmançımız finalda italiyalı boksçu Vinçenzo Pikardi ilə qarşılaşıb.

Gərgin keçən həlledici döyüşdə boksçumuz qalib gəlib.

Beləliklə, E.Məmişzadə Azərbaycana Avropa Oyunlarında 16-cı qızıl medalı qazandırıb. Azərbaycan idmançıları ümumilikdə 48 medal əldə ediblər - 16 qızıl, 13 gümüş, 19 bürünc.