Azad Rəhimov: II Avropa Oyunlarının belə səviyyədə keçiriləcəyini gözləmirəm

Mən gözləmirəm ki, II Avropa Oyunları belə səviyyədə keçirilsin.

Oxu.Az xəbər verir ki, bunu gənclər və idman naziri Azad Rəhimov jurnalistlərə açıqlamasında deyib.

Nazirin sözlərinə görə, əsas məqsədimiz Avropa Oyunlarında iştirak edən idmançılarımızın yüksək nailiyyətlər əldə etməsidir.

"Hesab edirəm ki, yeni layihəni dünyaya, Avropa ölkələrinə, idmançılara təqdim etmək və oyunlara marağı artırmaq üçün biz tam düz etdik ki, oyunları məhz belə yüksək səviyyədə keçirdik. Bəlkə II Avropa Oyunlarında belə bir təntənəli Açılış və ya Bağlanış mərasimi keçirilməsin. Hətta ola bilsin ki, bəzi məqamlarda bəzi ölkələr məqamlardan asılı olaraq müəyyən işləri orta səviyyədə təşkil etsinlər. Lakin əsas məqsədimiz Avropa Oyunlarında iştirak edən idmançılarımızın yüksək nailiyyətlər əldə etməsidir. İstərdim ki, gələcək Avropa Oyunlarında dünya rekordları vurulsun".