Şəhriyar Məmmədyarovun tarixi nailiyyəti

Azərbaycan qrossmeysteri Şəhriyar Məmmədyarov tarixi nailiyyət əldə edib.

AzNews.info-nun Haqqin.Az-a istinadən məlumatına görə, Ş.Məmmədyarov dünya şahmatçılarının reytinq cədvəlində 2800 xal həddini keçən ilk azərbaycanlı olub.

Məmmədyarov bu günlərdə FİDE-nin Qran-prisində iştirak edir. Yarışın dördüncü turunda o, ərəb qrossmeysteri Saleh Sələmi məğlub edərək xallarının sayını 2801-ə çatdırıb.

Şəhriyar Məmmədyarov yalnız Maqnus Karlsen, Uesli So, Vladimir Kramnik və Fabiano Karuanadan geridədir.