Şəhriyar Məmmədyarov 1/8 finalda

Bu gün Bakıda keçirilən şahmat üzrə Dünya Kubokunun 1/16 mərhələsinin cavab görüşləri keçirilib.

Oxu.Az xəbər verir ki, ilk görüşdə ağ fiqurlarla hindistanlı Penayappan Setxuramana qalib gələn Şəhriyar Məmmədyarov cavab qarşılaşmasında da sərfəli nəticə (oyun heç-heçə ilə bitib) əldə edərək növbəti mərhələyə vəsiqə qazanıb.

Həmyerlimiz 1/8 final mərhələsində ABŞ-ı təmsil edən Fabiano Karuana ilə üz-üzə gələcək.

Teymur Rəcəbov rusiyalı Petr Svidler ilə yenə bərabərliyə qalıb. Bu cütlüyün taleyi sabah tay-brekdə həll olunacaq.

Qədir Hüseynov isə Dünya Kuboku ilə vidalaşıb. Birinci oyunda Dinq Lirenlə heç-heçə edən qrossmeysterimiz bu dəfə məğlub olub və yarışla vidalaşıb.