Üç Azərbaycan şahmatçısı qələbə qazandı – YENİLƏNİB

Bakıda keçirilən şahmat üzrə Dünya Kubokunun ilk günündə 3 azərbaycanlı şahmatçı qələbə qazanıb, daha 3-ü isə heç-heçə oynayıb.

Oxu.Az xəbər verir ki, Şəhriyar Məmmədyarov iranlı Puya İdaniyə qalib gəlib, Qədir Hüseynov rusiyalı Maksim Matlakovu, Rauf Məmmədov isə daha bir Rusiya təmsilçisi Yevqeniy Nayeri məğlub edib.

Teymur Rəcəbov amerikalı Samuel Sivian ilə barəbərliyə qalıb, Eltac Səfərli macar Çaba Baloq, Vasif Durarbəyli isə vyetnamlı Le Kuanq ilə heç-heçə oynayıb.

Qeyd edək ki, Vasif Durarbəylidən başqa digər şahmatçılarımız bugün ağ fiqurlar ilə oynayırdılar.

21:01

Azərbaycan qrossmeysteri Şəhriyar Məmmədyarov şahmat üzrə Dünya Kuboku yarışlarına qələbə ilə başlayıb.

AzNews.info AzərTAc-a istinadən xəbər verir ki, ağ fiqurlarla oynayan şahmatçımız start görüşünün 31-ci gedişində iranlı Pouya İdanini məğlubiyyətə uğradıb.

Le Kuanq Lyem (Vyetnam) və Vasif Durarbəyli (Azərbaycan) sülh bağlayıblar. Heç-heçə 29-cu gedişdə qeydə alınıb.

Teymur Rəcəbov – Samuel Sevyan (ABŞ), Rauf Məmmədov – Yevgeni Nayer (Rusiya), Eltac Səfərli –Çaba Baloq (Macarıstan), Qədir Hüseynov – Maksim Matlakov (Rusiya) partiyaları hələ davam edir.