Dünya çempionu AVRO-2016 ilə vidalaşdı: Fransa finalda! – VİDEO

Son dünya çempionu Almaniya Fransaya 2:0 hesabı ilə məğlub oldu.

Bugün AVRO-2016 çərçivəsində ikinci yarımfinal oyunu baş tutub. Çempionatın əsas favoritlərindən hesab olunan rəqiblərin yarımfinalda qarşılaşması futbol ictimayyəti arasında bu oyunun erkən final kimi xarakterizə olunmasına səbəb olub.
AzNews.info xəbər verir ki, oyunda açıq-aşkar üstünlüyə malik olsa da, bir neçə vəziyyətdən yararlana bilməyən Almaniya yığması birinci hissənin son dəqiqələrində qapısında qol görüb. Almanların qapısına təyin olunmuş penaltini Qrizman uğurlu yerinə yetirib.
İkinci hissədə də, fürsətləri boşa verən almanları fransızlar ikinci dəfə meydanın mərkəzinə dəvət ediblər. Müdafiədə səhvə yol verən almanları Qrizman cəzalandırıb. Bu, Qrizmanın bu oyunda vurduğu ikinci qol, çempionat ərzində isə, vurduğu 6-cı qol olub.

Beləliklə, 2:0 hesablı qələbə Fransızlara AVRO-2016-nın finalına vəsiqə qazandırıb. Son dünya çempionları almanlar isə, çempionatla vidalaşmalı olublar.

Avropa çempionatı
Yarımfinal mərhələsi
7 iyul

Almaniya - Fransa - 0:2
Qollar: Qrizman, 45 (pen.), 72

Baş hakim: Nikola Ritsoli
Yan xətt hakimləri: Elenito di Liberatore, Mauro Tonolini
Əlavə köməkçi hakimlər: Daniele Orsato, Antonio Damato (hamısı İtaliya)
Dördüncü hakim: Damir Skomina (Sloveniya)
Ehtiyat yan xətt hakimi: Yure Praprotnik (Sloveniya)
Hakim-inspektor: Hyuq Dallas (Şotlandiya)
UEFA nümayəndəsi: Roland Ospelt (Lixtenşteyn)
Marsel. “Velodrom” stadionu

Almaniya: 1. Manuel Noyer (k), 3. Yonas Hektor, 4. Benedikt Hövedes, 7. Bastian Şvaynştayger, 8. Mesut Özil, 11. Yulian Draksler, 13. Tomas Müller, 14. Əmrə Can, 17. Jerom Boatenq, 18. Toni Kroos, 21. Coşua Kimmix
Ehtiyat oyunçular: 12. Bernd Leno, 22. Mark-Andre ter Şteqen, 2. Şkodran Mustafi, 6. Sami Xedira,9. Andre Şürrle, 10. Lukas Podolski, 15. Yulian Veyql, 16. Conatan Tah, 19. Mario Getse, 20. Leroy Sane, 23. Mario Qomes

Fransa: 1. Hüqo Lloris (k), 3. Patris Evra, 7. Antuan Qrizmann, 8. Dimitri Payet, 9. Oliver Jiru, 14. Blez Matuidi, 15. Pol Poqba, 18. Moussa Sissoko, 19. Bakari Sanya, 21. Loren Koselni, 22. Samuel Umtiti
Ehtiyat oyunçular: 16. Stiv Mandanda, 23. Benoit Kostil, 2. Kristof Jallet, 4. Adil Rami, 5. N'Qolo Kante, 6. Yohan Kabay, 10. Andre-Pyer Jinyak, 11. Antoni Martial, 12. Morqan Şneyderlin, 13. Elakvim Manqala, 17. Lukas Digne, 20. Kinqsli Kuman