Rusiyalılar futbol üzrə yığmanın dağıdılmasını tələb edirlər

Rusiyanın futbol üzrə yığmasının dağıdılması lehinə 21 iyunda Change.org saytında çap olunmuş petisiya 75 minə yaxın imza toplayıb, Oxu.Az RİA Novosti-yə istinadən xəbər verir.

Təşəbbüsün müəllifi hazırki millini “ümidləri doğrultmayan” adlandıraraq dağıtmağı və yeni idmançılardan ibarət komanda toplamağı təklif edir.

Qonorarlardan qənaət edilmiş pulları isə gənclərin futbolunun inkişafına sərf etmək təklif olunub.

Futbol üzrə Avropa çempionatında Rusiya millisi sonuncu yeri tutmaqla qrupdan çıxa bilmədi. Qrup mərhələsinin əvvəlində Rusiya komandası İngiltərə millisi ilə 1:1 hesabı ilə heçheçə oynayıb.

Lakin sonra ruslar 1:2 hesabı ilə Slovakiya komandasına uduzublar. Uels komandası ilə matçda isə Rusiya millisi 0:3 hesabı ilə uduzub.