Mutko: Futbol üzrə Birlik kuboku ləğv oluna bilər

Şənbə günü Sankt-Peterburqda başa çatan futbol üzrə Birlik kuboku yaxın vaxtlarda ləğv edilə və ya formatı dəyişdirilə bilər.

Oxu.Az-ın məlumatına görə, bu barədə “R-Sport” nəşrinə Rusiyanı idman naziri Vitaliy Mutko bildirib.

Onun sözlərinə görə, “Birlik Kuboku” öz mahiyyətini itirib və gənc komandaların iştirakı isə daha aktual deyil.

İlk dəfə turnir 1993-cü ildə keçirilib, və hər il ya Moskva və ya Sankt-Peterburq şəhərində təşkil olunur.

Turnirin qalibləri: “Spartak” Moskva (1993-1995, 1999-2001-ci illərdə), “Dinamo” Kiyev (1996-1998, 2002), “Şerif” (Moldova, 2003, 2009), “Dinamo” Tbilisi (2004), “Lokomotiv” Moskva (2005), “Nefçi” Bakı (2006), “Paxtakor” Daşkənd (2007), “Xəzər Lənkəran” (2008), “Rubin” Kazan (2010), “İnter” Bakı (2011), Rusiyanın gənclərdən ibarət futbol yığması (2012, 2013, 2016), Ukraynanın gənclərdən ibarət futbol yığması (2014) və CAR (2015).