“Anderlext” futbolçuları “Qarabağ”a uduzduqlarına görə fanatlara pul ödədilər

“Anderlext”in fanatları klubunun futbolçularından Avropa Liqasının qrup mərhələsində Azərbaycanda “Qarabağ” klubuna məğlubiyyətə görə təzminat alıblar.

Oxu.Az Lenta-ya istinandən xəbər verir ki, Bakıda komandalarına dəstək verən 53 azərkeş pul təzminatı, oyunçuların imzaları ilə futbol formaları alıblar, həmçinin futbolçuların müşayiəti ilə klubun bazasına səyahət ediblər.

Xatırladaq ki, oktyabrın 1-də Bakıda keçirilən oyun “Qarabağ”ın 1:0 hesablı qələbəsi ilə bitib. Yeganə qolu qarşılaşmanın 36-cı dəqiqəsində Riçard Almeyda vurub.

3 oyundan sonra J qrupuna 5 xalla “Monako” başçılıq edir, “Anderlext” və “Tottenhem”in 4 xalı var, “Qarabağ” isə 3 xalla sonuncu pillədə qərarlaşıb.