“Qarabağ” da məğlub oldu

Futbol üzrə UEFA Avropa Liqasının 2015/2016-cı illər mövsümünün qrup mərhələsinin üçüncü turunun oyunları keçirilib.

Oxu.Az xəbər verir ki, Azərbaycanı turnirdə təmsil edən “Qarabağ” səfərdə Fransanın “Monako” klubunun qonağı olub.

Oyun meydan sahiblərinin minimal hesablı qələbəsi ilə bitib. Yeganə qolu matçın 70-ci dəqiqəsində Lasina Traore vurub.

Bu qrupun digər oyununda “Anderlext” doğma meydanda “Tottenhem”i 2:1 hesabı ilə məğlub edib.

Beləliklə 3 oyundan sonra qrupa 5 xalla “Monako” başçılıq edir, “Anderlext” və “Tottenhem”in 4 xalı var, “Qarabağ” isə 3 xalla sonuncu pillədə qərarlaşıb.