Azərbaycanlı güləş üzrə millətlər kubokunda çıxış edəcək

Moskvada 6-8 noyabr tarixlərində yunan-roma, qadın və sərbəst güləş üzrə Avropa millətlər kubokunda iştirak edəcək komandaların tərkibi müəyyən edilib.

Oxu.Az xəbər verir ki, Azərbaycan yığması hər üç növdə iştirak edəcək.

Yunan-roma güləşi üzrə turnirdə rəqiblərimiz Rusiya, Ukrayna, Almaniya, Belarus və Türkiyə, qadın güləşi üzrə turnirdə Rusiya, Ukrayna, Belarus, Polşa və Türkiyə, sərbəst güləş üzrə turnirdə isə Rusiya, Gürcüstan, Belarus və Polşa olacaq.

Moskvada iştirak etmək üçün vəsiqəni Bakıda keçirilən Avropa Oyunlarının nəticələrinə görə, hər üslub üzrə altı ən yaxşı yığma alıb.