İki mindən çox hamilə kolumbiyalı qadın Zika virusuna yoluxub

Kolumbiyada 20,2 mindən çox insan Zika virusuna yoluxub. Onlardan 2,1 mini hamilə qadındır.

Oxu.Az-ın xarici KİV-ə istinadən verdiyi xəbərə görə, bu barədə Kolumbiya Milli Sağlamlıq İnstitutunun məlumatında bildirilir.

Qeyd edək ki, xüsusilə, hamilə qadınlar üçün təhlükəli olan Zika virusu mikrosefaliya xəstəliyinin yaranmasına (başın digər orqanlara nisbətən kiçilməsi) səbəb olur. Bu xəstəlik körpə uşaqlarda başın və beynin inkişafını əngəlləyərək ağır fiziki və əqli qüsurlar yaradır.

Ümumdünya Səhiyyə Təşkilatı (ÜST) 3-4 mln insanın Zika virusuna yoluxacağını proqnozlaşdırır.

Virusa yoluxma əsasən milçək və ağcaqanadlar vasitəsilə baş verir.