Rusiya erməni prezervativlərinə “hə” dedi

Rusiyanın Ticarət və Sənaye Nazirliyi prezervativ, bint, tamponlar daxil olmaqla tibbi preparatlar və məmulatların dövlət tərəfindən alınmasına məhdudiyyətlərlə bağlı sənəd hazırlayıb.

Oxu.Az Rusiya KİV-nə istinadla xəbər verir ki, sənəd hökumətin saytında dərc olunub və ictimai dinləmələr mərhələsini keçir.

Yalnız üç dövlət – Ermənistan, Belarus və Qazaxıstandan olan tibbi preparatlara qadağa qoyulmayacaq.

Sənəd “Dövlət və bələdiyyə tələblərinin ödənilməsi üçün xarici dövlətlərdən alınan ayrı-ayrı növ tibbi məmulatların əldə olunmasına qadağanın müəyyən olunması” adını alıb və 5 fevral 2015-ci il tarixlidir.

Lakin sənədin pasportuna əsasən, sənəd 3 avqust 2015-ci il tarixində ictimai dinləmələrə çıxarılıb.