Plutonda orqanik maddələr aşkar edildi

New Horizons aparatından alınmış yeni məlumatlar atmosferdə sadə orqanik birləşmələr metan və etandan yaranan, müxtəlif orqanik sopolimerlərin - tolinlərin olmasını sübut edir.

Oxu.Az xəbər verir ki, bu barədə NASA-nın saytında bildirilib.

Bəzi tədqiqatçılar onları “həyatın kimyəvi müqəddiməsi” adlandırırlar. Belə ki, bəzi hipotezalara müvafiq olaraq kometalar onları Yer kürəsinə gətirərək planetimizdə həyatın təməlini qoya bilərdilər. Tolinlərin kometa və digər səma cisimlərində olması ehtimal edilir. Buna baxmayaraq cari hipoteza ətrafında konsensus mövcud deyil.

Bundan başqa, New Horizons Plutonun səthindəki təzyiqin Yür kürəsinin səthində mövcud olan təzyiqdən yüz min dəfə az olmasını müəyyənləşdirib. Bu tədqiqatçıların əvvəlki müşahidələrə əsaslanaraq etdikləri ehtimallardan iki dəfə azdır.

Nəhayət, alimlər iddia edirlər ki, Plutonda hava şəraiti dəyişir – bunu cırtdan planetin atmosferi üzrə zonddan alınmış məlumat təsdiq edir.