Yanan bina ilə bağlı sərt ittiham

"Bakıda bu cür tezalışan materialdan üzlük çəkilmiş yüzlərlə binanın növbətisində belə bir faciənin yaşantılarının təkrarlanmaması üşün təcili təsirli tədbirlər görülməlidir".

ANS PRESS-in məlumatına görə, bu sözləri Milli Məclisin deputatı Əli Məsimli öz facebook səfihəsində yazıb.

Millət vəkili bildirib ki, eyni zamanda şəxsi qazancları naminə bütün dəyərləri ayaqları altına sərən əsl günahkarlar insanların həyatına, sağlamlığına, təhlükəsizliyinə, mülkünə, əmlakına, olan-qalanına biganəliyin, qəsdin acı nümunəsi olan bu hadisəyə görə layiqlı cəzalarını almalıdır.

Baş verən hadisəyə görə, çox üzüldüyünü bildirən deputat ölənlərin ailə üzvlərinə və yaxınlarına başsağlığı verib, xəsarət alanlara isə şəfa dilədiyini bildirib.