Afrikadan super şəkillər – VİDEO+FOTO

Cənubi Afrikanın təbii parkları möcüzə dolu yerlərdir. Burada gəzməklə yanaşı mütləq özünlə fotoaparat da gəzdirməlisən.

ANS PRESS-in məlumatına görə, keçmiş mühəndis, hazırda isə fotoqraf Yoxan Svanepol məhz bu işlə məşğul olur. Həm Afrikanı gəzir, həm də bir-birindən gözəl fotolar çəkir.

Bəs fotoqraf belə gözəl kadrları məhz harda gəzərkən tuta bilir? Əgər siz də Yoxanın fotolarından təsirlənsəz və onun kimi şəkillər çəkmək istəsəz, onda bu yerlərdə mütləq olmalısız.

Sovet dövrünün “Aybolit” cizgi filmindəki “uşaqlar Afrikaya gəzməyə getməyin” məşhur sözünün burada heç yeri yoxdur. Afrikanın bu gözəlliklərini görmək üçün mütləq onu gəzmək lazımdır. Gəzmək üçün isə qitəni əhatə edən ucu-bucağı olmayan qoruqları seçsəniz, hamının yanında öyünə biləcəyiniz fotolar mütləqdir.

Yoxan Svanepolun necə mühəndis olmağını demək çətin olsa da, onun əla fotoqraf olduğu danılmazdır.

ANS PRESS fotoqrafın yaddaşa köçürdüyü ən sehrli anları sizə təqdim edir. İndi özünüz seçin: Cəmi bir dəfə yaşadığınız həyatda Afrikaya getməyə dəyər ya yox.