İngilis futbolçulara rus qızlarına yaxınlaşmaq qadağan olundu

Böyük Britaniya Kəşfiyyat İdarəsinin rəsmisi Anton Qlis milli üzvlərinə xəbərdarlıq edib.

Oxu.Az xəbər verir ki, rus qadınların mundial zamanı ingilis futbolçuları yoldan çıxaracağını ehtimal edən Böyük Britaniya Kəşfiyyat İdarəsi oyunçuların şantaj olunacağından ehtiyatlanır.

Kremlin hər vasitə ilə İngiltərənin çempionluğunun qarşısını alacağını vurğulayan Qlis rusların futbolçuları zəhərləmə və ya rus qızları ilə əlaqəyə sövq etmə kimi vasitələrə də əl atacağını söyləyib.

Qeyd edək ki, xəbərdarlıqlardan sonra İngiltərə Futbol Assosiasiyası futbolçuların qidalanmasının Britaniya hökuməti tərəfindən qarşılanacağını açıqlayıb.