Azərbaycanda fanklublar üz-üzə gələcək – VİDEO

Azərbaycanda ilk dəfə olaraq bir-birləri ilə nə qədər rəqabət aparmaqlarına baxmayaraq, bir məqsəd altında 20 fanklub birləşərək Azərbaycan futbolunu inkişaf etdirmək adı altında bir turnirdə iştirak edirlər. Ayrı-ayrı rənglərin aşiqi olsalar da, damarlarından axan qan onları üçrəngli bayraq altında birləşdirdi.
AzNews.info xəbər verir ki, Azərbaycanda yerləşən ən böyük 20 fanklub bir yumruq olaraq bu turnirin həyata keçirilməsi və davamlı olaraq hər il təşkil olunması qərarını almışlar. Sərhədçi idman kompleksində keçirilməsi nəzərdə tutulmuş turnir avqust ayının 4-ü İSR plazada baş tutacaq mətbuat konfransı və püşk atma ilə start verəcəkdir.Dəstəklərin az olmasına baxmayaraq, bütün maneələrə qarşı çıxaraq bu turnir həyata keçiriləcək.Çünki azarkeş sevgisi heç vaxt azalmayan və tükənməyən bir sevgidir. Futbolun tək sahibi və Azərbaycanda futbolu inkişaf etdirmək gücünə malik tək qüvvə azarkeşlərdir.Məqsədləri Azərbaycanda futbolu inkişaf etdirmək olan təxminən 150 min azarkeş bu məqsədi həyata keçirmək üçün həm yaşıl sahədə, həm də tribunada öz formalarını tərlədəcəklər.

Həyatlarını azarkeşi olduğu qrupa həsr etmiş insanlar! Artıq həmin klubub formasını tərlətmək üçün səhnəyə çıxırlar.

İndi baş rolda azarkeşlərdir!