Futbol Dramı: Uruqvay - Qana (DÇ-2010) – VİDEO

"Futbol topun qapı xəttini keçməsindən daha artıq bir şeydi".

Volkan Dəmirəlin dediyi bu sözlər rubrikamıza ideal intro sayıla bilər. Çempionlar, medalçılar hər zaman adları daha çox çəkilənlər olsa da, bir ötürmə, bir zərbə, bir seyv, bir səhv və bir uğursuzluqla yadda qalanlar da kifayət qədərdi.

Bu rubrikada məhz bundan danışırıq. "Futbol Dramı" sislisə videoçarxlarında futbol tarixinə düşmüş matçlara nəzər salacaq, o görüşlərin qəhrəmanlarını xatırlayacağıq.

Bugünkü qəhrəmanımız Asamoah Qyandı. Qana milli komandasının 3 nömrəli futbolçusunu ölkəsində və dünyada tanıdan matç isə 4 il bundan əvvəl keçirilib.

FIFA tərəfindən də 2010-cu il Dünya Çempionatının ən unudulmaz qarşılaşması seçilən Uruqvay - Qana görüşü haqda danışırıq.