19 yaşlı gənc kanalda batdı

Füzuli rayonunda bədbəxt hadisə baş verib.

Virtualaz.org saytının Şirvan bürosunun verdiyi məlumata görə, Beyləqan rayonunun Mahmudlu-1 kəndinin 19 yaşlı sakini Əmrah Adəm oğlu Məmmədov iyulun 14-də Füzuli rayonunun Əmirzənli kəndinin ərazisindəki suvarma kanalında çimərkən boğulub.

Mərhumun cəsədi bu gün günorta saatlarında FHN-in dalğıcları tərəfindən tapılaraq aidiyyəti üzrə təhvil verilib. Faktla bağlı Füzuli Rayon Prokurorluğunda araşdırmalara başlanıb.