Türkiyədə partlayış: ölənlər var

Türkiyənin Batman bölgəsinin Gercüş rayonunda partlayış baş verib.

Oxu.Az Türkiyə KİV-ə istinadla xəbər verir ki, PKK terrorçuları tərəfindən yola quraşdırılmış əldəqayırma partlayıcı zirehli hərbi avtomobilin keçidi zamanı işə düşüb.

Hadisə nəticəsində dörd hərbçi ölüb, beşi isə yaralı halda xəstəxanaya yerləşdirilib. Onlardan üçünün vəziyyətinin ağır olduğu bildirilib.

Partlayışdan sonra terrorçuların zərərsizləşdirilməsi üçün bölgədə əməliyyat başlayıb.