Türkiyədə güclü partlayış: Ölənlər var – VİDEO (YENİLƏNİB)

Türkiyənin Bingöl şəhərində törədilən terror aktı nəticəsində beş polis şəhid olub.

Oxu.Az Milliyet-ə istinadən xəbər verir ki, hadisə zamanı güc strukturlarının daha dörd əməkdaşı yaralanıb.

Onlardan ikisinin vəziyyətinin ağır olduğu bildirilir.

19:49

Türkiyənin Bingöl şəhərində hava limanına gedən yolda güclü partlayış baş verib.

Oxu.Az-ın məlumatına görə, bu barədə bazar ertəsi, avqustun 1-də, Milliyet qəzeti xəbər verir.

Bakı vaxtı ilə 18:45-də Bingöl-Muş avtomobil yolunda xüsusi təyinatlı polisləri daşıyan zirehli avtomobilin keçidi sırasında PKK terrorçularının yola döşədiyi əldəqayırma partlayıcı qurğu işə salınıb. Partlayış nəticəsində güc strukturlarının bir neçə əməkdaşı yaralanıb.

Hadisə yerinə çoxlu sayda yanğınsöndürən və təcili tibbi yardım briqadaları cəlb edilib

Məlumata görə, yaralanan polislər yaxınlıqdakı xəstəxanalara aparılıb.