Şamaxıda güclü partlayış: yaralanan var

Bu gün Şamaxı şəhərində güclü partlayış baş verib.

Fövqəladə Hallar Nazirliyinin mətbuat xidmətindən ANS PRESS-ə verilən məlumata görə, hadisə nəticəsində bir nəfər ağır yaralanıb.

Hadisə Şamaxı şəhərinin M.F.Axundov küçəsindəki 68 saylı mənzildə qeydə alınıb. 1971-ci il təvəllüdlü ev sahibi Nigar Səlim qızı Hüseynova hamam otağındakı su qızdırıcısını işə salmaq istəyib. Bu zaman partlayış baş verib.

Hadisə nəticəsində Nigar Hüseynova xəstəxanaya yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır.