Ağdaşda maşın kanala aşdı: ölən var

Ağdaş rayonunda avtomobil kanala aşıb.

Fövqəladə Hallar Nazirliyindən Oxu.Az-a verilən məlumata görə, “Hyundai” markalı minik avtomobili yol kənarındakı kanala yuvarlanıb.

Hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri avtomobildə sıxılmış vəziyyətdə qalmış sərnişini deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.