Yaponiyada xilasedici helikopter yoxa çıxıb

Yaponiyanın Qumma prefekturasında xilasedici helikopter yoxa çıxıb.

Oxu.Az xəbər verir ki, bununla bağlı “Kyodo” agentliyi məlumat yayıb.

Hadisə zamanı helikopterdə doqquz nəfər olub. Kusatsu-Sirane aktiv vulkanının yerləşdiyi rayonda helikopterlə əlaqə kəsilib.

Ekipaj helikopterlə Qumma və Naqano prefekturalarının sərhədində dağ cığırlarının vəziyyətini yoxlamalı idi.