Rusiyada təyyarə yoxa çıxıb

Rusiyanın İrkutsk vilayətində meşə yanğını baş verən ərazi üzərində uçuş keçirən “İl-76” təyyarəsi yoxa çıxıb.

Oxu.Az-ın “RİA Novosti”yə istinadən verdiyi xəbərə görə, bu barədə Buryatiya Respublikasındakı mənbələr bildirib.

Bu gün səhər saatlarında göyərtəsində xilasedicilərin olduğu təyyarə rabitə əlaqəsinə çıxmayıb.

Təyyarə güclü tüstülənmə olan zonada uçduqdan sonra yoxa çıxıb. Onun göyərtəsində 10 nəfər olub.