Üç nəfər Xəzərdə qərq oldu

Bakıda iki nəfər dənizdə batıb.

Fövqəladə Hallar Nazirliyindən Oxu.Az-a verilən məlumata görə, FHN-nin Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Sabunçu rayonunda dənizdə iki nəfərin batdığı ehtimal olunur.

FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Bundan əlavə, Astara rayonunda 19 yaşlı oğlan da dənizdə boğulub. Rayonun Şəlivə kənd sakini, 19 yaşlı Tərlan Mirəli oğlu Şükürov qeyri-çimərlik ərazisində boğulub. Onun cəsədi vətəndaşlar tərəfindən suda çıxarılıb.