Bakıda bir nəfər dənizdə batdı - YENİLƏNİB

Bakıda dənizdə batmış şəxsin meyiti tapılıb.

Oxu.Az-ın Fövqəladə Hallar Nazirliyinin (FHN) saytına istinadən verdiyi məlumata görə, bu gün Bakı şəhərinin Suraxanı rayonunda dənizdə batmış 1959-cu il təvəllüdlü Əliyev İntiqam Həbib oğlunun cəsədi (batdığı yerdən 1000 metr aralıda) Dövlət Sularda Xilasetmə Xidmətinin dalğıc-xilasediciləri tərəfindən çıxarılaraq aidiyyəti üzrə təhvil verilib.

09:45

Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Bakı şəhəri, Suraxanı rayonunda 1 nəfərin dənizdə batması barədə məlumat daxil olub.

Oxu.Az-ın Fövqəladə Hallar Nazirliyinin (FHN) saytına istinadən verdiyi xəbərə görə, nazirliyin Dövlət Sularda Xilasetmə Xidmətinin dalğıc-xilasediciləri axtarışlara başlayıb.

Əlavə məlumat veriləcək.​