Astara sakini Xəzər Abbasov Xəzərdə batdı – VİDEO

İyulun 2-də axşam saatlarında Astara şəhəri ərazisində dənizdə boğulma hadisəsi baş verib.

"Report"un xəbərinə görə, Nizami küçəsi, ev 168-də yaşayan Abbasov Xəzər Abbasqulu oğlu sahildə yerləşən istirahət mərkəzinin yaxınlığında dənizdə çimərkən suda batıb.

Yaxınlıqda olan dostu ona yardım edə bilməsə də, hadisə barədə ətrafdakılara məlumat verib. Axtarışlara Dövlət Sərhəd Xidmətinin Sahil Mühafizəsinin xilasediciləri qoşulub. X.Abbasovun cansız bədəni sudan çıxarılaraq aidiyyəti üzrə təhvil verilib.

Yaxınlarının bildirdiyinə görə, dünən mərhumun bir övladı dünyaya gəlibmiş. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə aparılıb.

Faktla bağlı araşdırma aparılır.