Bakıda bahalı avtomobilin üzərinə paltaryuyan maşın atdılar

Bakıda avtomobilin üzərinə binadan paltaryuyan maşın atıblar.

AzNews.info Trend-ə istinadən bildirir ki, hadisə paytaxtın Nəsimi rayonu ərazisində, "Moskva" univermağının yaxınlığındakı binanın qarşısında baş verib. Həmin binanın 8-ci mərtəbəsinin eyvanından atılan paltaryuyan maşın həyətdə dayanan "LEXUS" markalı bahalı avtomobilin üzərinə düşərək onu yararsız hala salıb.

Hadisə yerinə Nəsimi rayon Polis İdarəsinin 19-cu polis bölməsinin əməkdaşları gəlib.

Hadisənin hansı səbəbdən baş verdiyi məlum deyil.