Binəqədidə ötən il yanmış binada yenidən yanğın olub

Bakının Binəqədi rayonunda ötən il mayın 19-da yanğın baş vermiş 16 mərtəbəli yaşayış binasında yenidən yanğın hadisəsi qeydə alınıb.

AzNews.info-nun Trend-ə istinadən məlumatına görə, dərhal hadisə yerinə 4 yanğınsöndürən briqadası və polis əməkdaşları gəliblər.

Qeyd olunur ki, yanğın saat 20.00 radələrində binanın 15-ci mərtəbəsində, mənzil 26 ünvanında baş verib. Hadisə zamanı mənzil sahibi evdə olmayıb.

Yanğına mənzildəki paltaryuyan maşında baş verən qısa qapanmanın səbəb olduğu bildirilir.