“28 Mall” ticarət mərkəzində yanğın baş verib - YENİLƏNİB + FOTOLAR + VİDEO

Bakının “28 may” metro stansiyası yaxınlığında yerləşən “28 Mall” ticarət mərkəzində baş vermiş yanğın söndürülüb.

Bakının “28 may” metro stansiyası yaxınlığında yerləşən “28 Mall” ticarət mərkəzində baş vermiş yanğın söndürülüb. Yanğının səbəbi və dəyən ziyan müəyyənləşdirilir. İlkin versiyaya görə, yanğına səbəb elektrik naqildə qısaqapanma olub.

Hadisə nəticəsində xəsarət alan olmayıb.

//APA

21:02

Bakının Nəsimi rayonunda, “28 may” metro stansiyası yaxınlığında yerləşən “28 Mall” ticarət mərkəzində yanğın başlayıb.

Yanğın binanın 4-cü mərtəbəsində baş verib. Hadisə yerinə Fövqəladə Hallar Nazirliyinin Səbayıl və Nəsimi rayon Dövlət Yanğından Mühafizə hissələrinin 7-8 yanğınsöndürmə briqadası və təcili yardım briqadası cəlb olunub.

Hazırda yanğının söndürülməsi istiqamətində tədbirlər görülür.

Hadisə yerinə 6 yanğın söndürən maşın cəlb olunub.

İçəridə olan insanların bəzilərini mərkəzin balkonunda, bəzilərini isə üçüncü mərtəbədə saxlayıblar.

Hadisə yerinə üç təcili tibbi yardım maşını çağırılıb.

Hadisə ilə bağlı əlavə məlumat veriləcək.

//APA