Bakıdakı yanğınla bağlı ən son xəbər

Bakının Binəqədi rayonunda baş verən yanğın tamamilə söndürülüb.

Bu barədə Fövqəladə Hallar Nazirliyinin rəsmi nümayəndəsi ANS PRESS-in hadisə yerində olan müxbirinə açıqlama verib.

Bildirilir ki, binada baş verən yanğın tamamilə söndürülüb və ərazidə təmizlik işləri aparılır.

Qeyd edək ki, bu gün səhər saatlarında Binəqədi rayonunun Azadlıq prospektində yerləşən binada 16 mərtəbəli binanın fasadının alışması nəticəsində yanğın qısa zamanda bütün binanı əhatə edib.

Yanğın baş verən əraziyə çox sayda insan və polis əməkdaşı toplaşıb. Son məlumatlara görə, dəhşətli yanğın nəticəsində 16 nəfər ölüb, 60-dan çox yaralı var.