Fransada kilsəyə hücüm: Ölən var – FOTO

Hadisə yerinə çevik reaksiya dəstəsi çağrılıb.

Fransanın şimalında kilsədə bir neçə nəfəri girov götürən naməlum şəxslər zərərsizləşdirilib.

Oxu.Az xəbər verir ki, bu barədə polisdə olan mənbəyə istinadən “Reuters” məlumat yayıb.

Fransız KİV-in məlumatına görə, hücum zamanı bir nəfər ölüb.

14:12

Fransanın Sent-Etyen-dyu-Ruvre şəhərində bıçaqla silahlanmış iki nəfər kilsədə bir neçə nəfəri girov götürüb.

Oxu.Az xəbər verir ki, bu barədə “Reuters” agentliyi polisdəki mənbəyə istinadən məlumat yayıb.

İlkin məlumata görə, 4-6 nəfər girov götürülə bilər.

“Le Figaro” qeyd edir ki, hücum edənlər arxa qapıdan gəliblər. Nəşrin məlumatına görə, hələ beş nəfər girov qalıb. Kilsə xidmətçilərindən biri qaçmağa müvəffəq olub və polis çağırıb.

Hadisə yerinə çevik reaksiya dəstəsi çağrılıb.