Maşın qarda sürüşüb yol kənarına düşdü – QƏBƏLƏDƏ
FHN xilasediciləri yağan güclü qar nəticəsində yol kənarına düşən avtomobilə köməklik göstəriblər.
Axar.az FHN-in mətbuat xidmətinə istinadən xəbər verir ki, Qəbələ rayonu, Laza kəndinə yağan güclü qar nəticəsində yolda 1 avtomobilin sürüşərək yolun kənarına düşməsi barədə məlumat daxil olub. Dərhal Fövqəladə Hallar Nazirliyinin Şimal-Qərb Regional Mərkəzinin xilasediciləri hadisə yerinə cəlb olunaraq avtomobilə müvafiq köməklik göstərilib.
Əməliyyat saat 17:29-da başa çatıb.
Mənbə: Axar.az
