Hava limanında həyəcanlı anlar: təyyarə iti vurdu

Hava limanında həyəcanlı anlar: təyyarə iti vurdu

Qəza zamanı təyyarələrin hərəkətlərində ləngimələr yaranıb.

Türkiyənin İstanbul şəhərindəki “Atatürk” beynəlxalq hava limanında həyəcanlı anlar yaşanıb. ANS PRESS-in məlumatına görə, Portudan İstanbula gələn təyyarə eniş zolağında olan iti vurub.

Bu barədə hava limanının mətbuat xidməti məlumat yayıb:

“Portu – İstanbul reysi ilə hərəkət edən “Boeing 777-800” tipli TK 1450 səfər saylı “Türk Hava Yolları”na aid sərnişin təyyarəsi saat 21.33-də (Bakı vaxtıyla 23.33) “Atatürk” hava limanı 05/23 saylı eniş zolağında hardan gəldiyi məlum olmayan iti vurub.

Qəza zamanı ölən itin cəsədi eniş zolağından təmizlənərkən təyyarələrin hərəkətlərində ləngimələr yaranıb. Çox sayda təyyarə eniş öncəsində havada dövrə vurmağa məcbur olub.

Hava limanı əməkdaşları iti vuran təyyarəni də təmizləyiblər.” – deyə məlumatda bildirilir.