Səudiyyə Ərəbistanında baş verən yanğında 11 nəfər ölüb

Səudiyyə Ərəbistanının Əl-Xubar şəhəirndə yaşayış binasında baş verən yanğın zamanı 11 nəfər ölüb, daha 219 nəfər yaralanıb.

Oxu.Az RİA Novosti-yə istinadən xəbər verir ki, yanğınsöndürənlərə səhər saat 05:45-də Səudiyyə Ərəbistanının Saudi Aramco neft şirkətinin əməkdaşlarının yaşadığı Radium yaşayış kompeksində binanın alovlanması barədə məlumat daxil olub.

Hadisə yerinə gələn xilasedicilər insanları yanan binanın damından təxliyyə ediblər. Yanğın zamanı 11 nəfər ölüb, 219 nəfər yaralanıb. Ölənlərin sayının artacağı istisna edilmir.

Qeyd edək ki, Radium yaşayış kompleksi 500 mənzildən ibarət 7 mərtəbəli binadır.