Bakıda bu adamın intiharı ətrafdakıları şoka saldı

Keçən bazar günü Bakının Nizami rayonunda 28 yaşlı kişi intihar edib, bununla da ətrafdakıları şoka salıb.

AzNews.info xəbər verir ki, bu barədə Vesti.Az-a Nizami rayon Polis İdarəsindən bildiriblər.

Hadisə 24-cü polis bölməsinin ərazisində beşmərtəbəli evin həyətində baş verib.

Şahidlər saat 21.00-da həyətdə naməlum şəxsin idman kostyumunda qaçaraq bıçaqla damarlarını kəsdiyini görüblər. Bundan başqa, onun boğazında da kəsik olub. Daha sonra gənc oğlan yoldan keçənlərin gözü qarşısında həddən artıq çox qan itirdiyi üçün yerə yıxılaraq ölüb.

İstintaq nəticəsində həmin şəxsin kimliyi müəyyənləşdirilib. Bu, yerli sakin Nuriyev Ramin Ramiz oğlu olub.

Nuriyevin atası bildirib ki, oğlu əvvəllər də intihara cəhd edib, damarlarını kəsib. Ramin Nuriyev evdən tez-tez qaçırmış. Doğmalarının sözlərinə görə, oğlan ruhi xəstə olub.

Fakt üzrə istintaq aparılır.