Bakıda 1 nəfər özünü çoxmərtəbəli binadan atmaq istədi

Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olan məlumata görə, Bakının Nəsimi rayonunda intihara cəhd olub. ANS PRESS-in FHN-nin saytına istinadən verdiyi məlumata görə, 1 nəfər intihar məqsədilə çoxmərtəbəli yaşayış binasının damına çıxıb. Hadisə yerinə dərhal Fövqəladə Hallar Nazirliyinin müvafiq xilasetmə qüvvələri cəlb olunub. Xilasedicilər tərəfindən vətəndaşla psixoloji söhbət aparılıb, nəticədə intihara cəhdin qarşısı alınıb.

İntihara cəhd edən şəxs aidiyyəti üzrə təhvil verilib. Əməliyyat saat 23:41-də başa çatıb.